381. (Vers. 16.) "Non esurient amplius nec sitient amplius," significat quod posthac non deficient illis bona et vera. - Per "non esurire" significatur non defectum boni habere, et per "non sitire" significatur non defectum veri; esurire enim dicitur de pane et cibo, et sitire de vino et aqua, et per "panem et cibum" significatur bonum, ac per "vinum et "aquam" significatur verum; videatur supra (n. 323).