45. ((iii.)) Quod vera sensus litterae Verbi intelligantur Per Lapides pretiosos in horto Edenis, in quo, apud Ezechielem, Rex Tyri dicitur fuisse.- Legitur apud Ezechielem, Rex Tyri "tu obsignans demensum tuum, plenus sapientia, et perfectus pulchritudine. In Eden horto Dei fuisti; omnis lapis pretiosus tegumentum tuum, rubinus, topazius et adamas, tharschish, sardonyx, et jaspis, sapphirus, chrysoprasus et smaragdus, et aurum" (xxviii. 12, 13):
per "Tyrum" in Verbo significantur cognitiones veri et boni; per "regem" significatur verum ecclesiae; per "hortum Edenis" significatur sapientia et intelligentia ex Verbo; per "lapides pretiosos" significantur "vera pellucentia ex bono, qualia sunt in sensu litterae Verbi; et quia haec per illos "lapides" significantur, ideo vocantur "tegumentum ejus." Quod sensus litterae tegat interiora Verbi, videatur articulus praecedens.
This page is part of 
© 2000-2001 The Academy of the New Church