253. Propter conjugium Divini Boni et Divini Veri in singulis Verbi, permultis in locis dicitur Jehovah [[4]et] Deus, tum Jehovah et Sanctus Israelis, sicut forent duo, cum tamen unum sunt; per "Jehovam" enim intelligitur Dominus quoad Divinum Bonum Divini Amoris, et per "Deum" et per "Sanctum Israelis" intelligitur Dominus quoad Divinum Verum Divinae Sapientiae. Quod Jehovah et Deus, ac Jehovah et Sanctus Israelis in permultis locis in Verbo dicantur, et tamen intelligatur unus, in Doctrina de Domino Redemptore videatur.