573. Quoniam "creari" etiam significat regenerari, ideo dicitur qui denuo generatur et sicut e novo creatur. Quod "creari" id in Verbo significet, constat ex his locis: "Cor mundum crea mihi Deus, et spiritum firmum innova in medio mei" (Psalm. li. 12 [B.A. 10]). "Aperis manum, saturantur bono emittis.. spiritum, creantur" (Psalm. civ. 28, 30). "Populus, qui creabitur, laudabit Jah" (Psalm. cii. 19 [B.A. 18]). "Ecce Ego creaturus sum Hierosolymam exultationem" (Esai. lxv. 18). "Sic dixit Jehovah, Creator tuus Jacob, Formator tuus Israel:.. Redemi te;.... omnem vocatum a nomine meo, in gloriam meam creavi eum" (Esai. xliii. 1, 7). "Ut videant, cognoscant, attendant et intelligant.., quo..... Sanctus Israelis creaverit hoc" (Esai. xli. [1]20). (Praeter alibi.) Et ubi Dominus vocatur Creator, Formator et Factor. Inde patefit, quid intelligitur per haec Domini ad discipulos: "Euntes in mundum universum, praedicate Evangelium omni creaturae" (Marc. xvi. 15); per "creaturas" intelliguntur omnes qui regenerari possunt (Paritur Apoc. iii. 14; 2 Cor. v. 16, 17).