10001. `Appropinquare facies ad ostium tentorii conventus': quod significet conjunctionem utriusque in caelo, constat ex significatione `appropinquare facere' quod sit praesentia et conjunctio, ut supra n. 9997, hic conjunctio Divini Boni et Divini Veri a Domino in caelo {1}, ex significatione `ostii' quod sit introductio, de qua n. 8989, et ex repraesentatione `tentorii conventus' quod sit caelum, de qua n. 9457, 9481, 9485, 9963. Quod juvencus, arietes, panis, placentae, et lagana azymorum in corbe, et Aharon cum filiis sisterentur ad ostium tentorii conventus et quod hi ibi induerentur vestibus (c)et ungerentur, et illa ibi (x)offerrentur super altari, erat causa quia locus ubi ostium tentorii conventus repraesentabat conjugium Divini Boni cum Divino Vero {2}; per altare enim, quod etiam ad ostium tentorii positum fuit, repraesentabatur Dominus quoad Divinum Bonum, et per tentorium (o)conventus repraesentabatur Dominus quoad Divinum Verum; inde per locum ad ostium (c)tentorii repraesentabatur conjunctio boni et veri, quae conjunctio vocatur conjugium caeleste; quod per altare holocausti repraesentatus sit Dominus quoad Divinum Bonum, videatur n. 9964, et quod per tentorium conventus repraesentatus sit Dominus quoad Divinum Verum, n. 9963; quod altare ibi positum fuerit, constat apud Mosen, Et Moscheh altare holocausti posuit ad ostium tentorii, Exod. {3} xl 29;