10020. Vers. 10-14. Et appropinquare facies juvencum ante tentorium conventus, et imponent {1} Aharon et filii ejus manus suas super caput juvenci. Et mactabis juvencum coram Jehovah ad ostium tentorii conventus. Et accipies ex sanguine juvenci, et dabis super cornua altaris digito tuo; et omnem sanguinem effundes ad fundamentum altaris. Et accipies omnem adipem tegentem intestina, et reticulum super jecore, et duos renes, et adipem qui super illis, et adolebis altare. Et carnem juvenci, et pellem ejus, et fimum ejus, combures igne extra castra; peccatum hoc. {2} `Et appropinquare facies juvencum' significat statum applicationis naturalis seu externi hominis qualis in sua infantia: `ante tentorium conventus' significat ad purificationem, receptionem veri e caelo, et conjunctionem ejus cum bono: `et imponent Aharon et filii ejus manus suas super caput juvenci' significat repraesentativum receptionis boni et veri in naturali seu externo homine: `et mactabis juvencum coram Jehovah' significat praeparationem ad purificationem boni et veri a Divino in externo seu naturali homine: `ad ostium tentorii conventus' significat ut sit conjunctio illorum: `et accipies de sanguine juvenci' significat Divinum Verum accommodatum in naturali seu externo homine {3}: `et dabis super cornua altaris digito tuo' significat potentiam Divinam Domini ex proprio: `et omnem sanguinem effundes ad fundamentum altaris' significat Divinum Verum totum in sensuali, quod ultimum vitae hominis: `et accipies omnem adipem' significat bonum accommodatum: `tegentem intestina' significat quod ultimis seu infimis: `et reticulum super jecore' significat bonum interius externi seu naturalis hominis: `et duos renes, et adipem super illis' significat verum interius externi seu naturalis hominis, et illius bonum: `et adolebis altare' significat ex Divino Amore Domini: `et carnem juvenci' significat malum amorum priorum ibi: `et pellem ejus' significat falsum in ultimis: `et fimum ejus' significat immunda reliqua: `combures igne extra castra' significat quod illa amandanda [sint] inferno, et consumenda malis amoris sui: `peccatum hoc' significat (x)sic purificatum a malis [et falsis]. @1 imponet IT$ @2 See p. ix preliminary note 2. 10. Et appropinquare facies juvencum, significat praesentiam externi seu naturalis hominis qualis in sua infantia: ante tentorium conventus, significat ut conjungatur bono: et imponent Aharon et filii ejus manus suas super caput juvenci, significat repraesentativum receptionis boni et veri ibi. 11. Et mactabis juvencum coram Jehovah, significat praeparationem ad purificationem et ad receptionem boni et veri Divini: ad ostium tentorii conventus, significat ut sit conjunctio. 12. Et accipies de sanguine juvenci, significat Divinum verum accommodatum: et dabis super cornua altaris digito tuo, significat potentiam Divinam Domini ex proprio: et omnem sanguinem effundes ad fundamentum altaris, significat Divinum Verum totum in sensuali quod ultimum vitae humanae. 13. Et accipies omnem adipem, significat bonum accommodatum: tegentem intestina, significat quae ultimis seu infimis: et reticulum super jecore, significat bonum naturalis hominis: et duos renes et adipem qui super illis, significat verum naturalis hominis interius, cum ejus bono: et adolebis altare, significat ex Divino amore Domini. 14. Et carnem juvenci, significat malum amorum priorum ibi: et pellem ejus, significat falsum in ultimis: et fimum ejus, significat immunda reliqua: combures igne extra castra, significat quod illa amandanda sint inferno: peccatum hoc, significat sic purificatum a malis et falsis.$ @3 cp n. 10,026$