1373. Vers. 31. Et accepit Terah Abramum filium suum, et Lotum, filium Haranis, filium filii sui, et Sarai nurum suam, uxorem Abrami filii sui; et exiverunt cum illis ex Ur Chaldaeorum, ad eundum in terram Canaan; et venerunt usque ad Haran, et manserunt ibi. Haec significant quod ii qui in cultu idololatrico fuerunt, instruerentur in caelestibus et spiritualibus fidei ut inde Ecclesia Repraesentativa existeret.