2834. `Et obtulit illum in holocaustum loco filii sui': quod significet sanctificationem eorum et adoptationem, constat ex significatione `offerri in holocaustum' quod sit sanctificari, de qua n. 2776, et a significatione `loco filii sui' quod sit adoptari, nempe a Divino Humano Domini quod hic est `Abraham,' n. 2833; {1}adoptatio spiritualium describitur apud Johannem, Jesus dixit, Ego sum Vitis, vos palmites; qui manet in Me, et Ego in illo, hic fert fructum multum, quia sine Me non potestis facere quicquam, xv 5;