4934. Visum mihi est brachium nudum, inflexum antrorsum, quod secum tantam vim et simul tantum terrorem habuit ut non solum horrescerem, sed viderer quasi in minutissimum et quoad intima potuisse contundi; erat irresistibile; hoc brachium bis mihi visum est; et inde scire datum quod `brachia' significent robur, et `manus' potentiam; sentiebatur etiam ex brachio illo calidum exhalans.