5080. `Et succensuit Pharaoh': quod significet quod naturali' homo novus se averteret, constat ex repraesentatione `Pharaonis' seu regis Aegypti quod sit naturalis homo novus seu naturalis hominis status novus, de qua mox supra n. 5079; et ex significatione `succensere' seu irasci quod sit se avertere, de qua n. 5034, hic itaque quod naturale interius quod novum factum, averteret se a naturali exteriore seu sensuali corporeo, quia hoc cum illo non corresponderet.