5665. `Et eduxit ad illos Shimeonem': quod significet quod adjunxerit veris velle, constat ex repraesentatione `Shimeonis' quod sit fides voluntate, seu voluntas faciendi verum quod fidei, de qua n. 3869-3872, 4497, 4502, 4503, 5482; et ex repraesentatione `filiorum Jacobi' qui hic sunt `illi ad quos eduxit Shimeonem', quod sint vera Ecclesiae in naturali, de qua n. 5403, 5419, 5427, 5458, 5512; inde patet quod per `eduxit ad illos Shimeonem' significetur quod adjunxerit veris velle.