7490. Patet etiam quod quantum homo in amoribus sui et mundi est, tantum non sciat quid charitas, usque tandem ut non sciat quod sit. Etiam quod homo tantum non sciat quid fides, usque tandem ut non sciat quod sit aliquid. {1}Ut et, quod homo tantum non sciat quid conscientia, usque tandem ut non sciat quod sit. Immo, quod homo tantum non sciat quid spirituale, ita nec quid vita caeli. Et demum, quod non credat dari caelum et dari infernum; proinde non credat dari vitam post mortem. Haec faciunt amores sui et mundi cum regnant. @1 Etiam A Ut est I$