7716. `Non viderunt vir fratrem suum': quod significet quod non perciperent verum alicujus boni, constat a significatione `videre' quod sit intelligere et percipere, de qua n. 2150, 2325, 2807, 3764, 3863, 4403-4421, 4567, 4723, 5400; ex significatione `viri' quod sit verum, de qua n. 3134; et ex significatione `fratris' quod sit bonum, de qua n. 2360, 3303, 3803, 3815, 4121, 5409, 5686, 5692, 6756; et quod `vir cum fratre' sit veri bonum, n. 3459; ex his patet quod per `non viderunt vir fratrem suum' significetur quod non perciperent verum alicujus boni.