7744. Erat quidam supra caput meum qui mecum locutus est; ex sono {1}appercipiebatur quasi in statu somni esset; in hoc statu loquens interrogabat plura, et {2}haec tali prudentia ut vigil non prudentius; percipere dabatur quod subjectum esset per quod angeli loquerentur; et is in statu illo apperciperet id et produceret; non enim loquebatur nisi quod verum erat; si aliunde quid influeret, quidem admittebat, sed non producebat. Interrogavi illum de statu suo: dicebat quod status ille ei esset status pacificus, et quod esset absque omni sollicitudine {3} de futuris; et quod simul usus praestaret, per quos ei communicatio cum caelo. Dictum (t)mihi est quod tales in Maximo Homine referant sinum longitudinalem qui in cerebro inter bina ejus hemisphaeria jacet, et ibi in statu quieto utcumque tumultuatur cerebrum utrinque. @1 percipiebatur$ @2 hoc$ @3 i et cura$