8230. `Et obtexerunt currus et equites, et omnem exercitum Pharaonis': quod significet quod absconderent illos falsa sua, constat ex significatione `obtegere' quod sit operire et sic abscondere; et ex significatione `curruum et equitum Pharaonis' quod sint doctrinalia falsi et ratiocinia pugnantia contra vera et bona, in genere ipsa falsa ex malo; quod `currus' sint doctrinalia falsi, et `equites' ratiocinia ex intellectuali perverso, videatur n. 8146, 8148; et quod sint pugnantia contra vera et bona, n. 8215.