8804. Vers. 14, 15. Et (x)descendit Moscheh de monte ad populum, et sanctificavit populum, et laverunt vestes suas. Et dixit ad populum, Estote parati ad tres dies; ne accedatis ad mulierem. `Et descendit Moscheh de monte ad populum' significat applicationem et praeparationem per {1}verum a Divino ad recipiendum vera in bono: `et sanctificavit populum' significat obvelationem interiorum ut in fidei sancto appareant: `et laverunt vestes' significat purificationem verorum fidei: `et dixit ad populum, Estote parati ad tres dies' significat praeparationem {2}plenam: `ne accedatis ad mulierem' significat purificationem boni fidei. @1 illum$ @2 cp n. 8808$