9015. `Et percutiens patrem suum et matrem suam': quod significet blasphemationem Domini et regni Ipsius, constat ex significatione `percutere' quod sit laedere per falsa, de qua n. 7136, 7146, 9007, at cum praedicatur de Domino (c)et de Ipsius regno, est (x)blasphemare; ex significatione `patris' quod sit Dominus, et `matris' quod sit regnum Ipsius, de qua n. 8897, ubi explicatum est praeceptum decalogi quartum, et ostensum quid in sensu interno intelligitur per `honorare patrem et matrem,' quod nempe {1}sit amare Dominum et regnum Ipsius, et inde in sensu respectivo {2}amare bonum et verum; ita etiam `percutere patrem et matrem' in sensu respectivo est blasphemare bonum et verum Ecclesiae. @1 amor pro Domino et pro Regno$ @2 pro bono et vero$