9502. `Non removebuntur ab ea': quod significet in perpetuum absque mutatione, constat ex significatione `non removeri' quod sit existentia et subsistentia {1} in perpetuum et absque mutatione, nam per sphaeram Divinam boni et veri ambientem et includentem caelum in communi et in particulari exstitit {2}et creatum est caelum, et per eandem subsistit et conservatur; nam subsistentia est perpetua existentia, et conservatio est perpetua creatio; perpetuitas absque mutatione repraesentata est per non remotionem vectium ab arca, et protectio aeterna caeli per (t)Divinam sphaeram boni et veri a Domino repraesentata est per quod vectes essent sub alis cheruborum, et tegerentur, ut constat in Libro 1 Regum, Cherubi expandentes alas super locum arcae, ita ut obtegerent cherubi arcam, et vectes ejus desuper; protendebantur quidem vectes, et videbantur capita vectium ex sancto versus facies adyti, non autem videbantur foris, viii 7, 8. @1 i inde$ @2 seu$