9831. Vers. 5-8. Et illi accipient aurum, et hyacinthinum, et purpuram, et coccineum dibaphum, et byssinum. Et facient ephodum auro hyacinthino, et purpura, coccineo dibapho, et byssino contexto, opere excogitatoris. Duo umeri conjuncti erit illi ad duas extremitates ejus et conjungetur. Et cingulum ephodi ejus quod super illo, secundum opus ejus ex illo erit, auro, hyacinthino, et purpura, et coccineo dibapho, et byssino contexto. 'Et illi accipient aurum' significat bonum universaliter regnans: `et hyacinthinum, et purpuram, et coccineum dibaphum, et byssinum significat bonum charitatis et fidei: `et facient ephodum auro, hyacinthino, et purpura, coccineo dibapho, et byssino contexto' significat externum regni spiritualis ex illo bono: `opere excogitatoris' significat ex intellectuali: `duo umeri conjuncti erit illi ad duas extremitates ejus, et conjungetur,' {1}significat conservationem boni et veri undequaque [et] in perpetuum omni opera et potentia per unitionem omnimodam: `et cingulum ephodi ejus quod super illo' significat colligamentum externum: `secundum opus ejus ex illo erit' significat simile et continuum ab externo {x}regni spiritualis: `auro, hyacinthino, et purpura, et coccineo dibapho, et byssino contexto' significat ita ex bono quod fidei et quod charitatis in externis. @1 significat potentiam unitam boni et veri: et conjungetur, significat sic non infringendum nec resistendum Against this is written in m Videatur in textu and underneath videatur n. 9836. See Appendix Volume for a deleted first draft of n. 9836.$