9958. Vers. 42, 43. Et fac eis femoralia lini ad tegendum carnem nuditatis, a lumbis [et] usque ad femora erunt. Et erunt super Aharone, et super filiis ejus in intrandis illis ad tentorium conventus, aut accedendis illis ad altare ad ministrandum in sancto, ne portent iniquitatem et moriantur; statutum saeculi ei et semini ejus post illum. `Et fac eis femoralia lini' significat externum amoris conjugialis: `ad tegendum carnem nuditatis' significat ne interiora amoris, quae (x)spurca et infernalia, appareant: `a lumbis usque ad femora erunt' significat extensionem illorum {1}: `et erunt super Aharone et super filiis ejus' significat tutelam ab infernis: `in intrandis illis in tentorium conventus' significat in cultu repraesentativo omnium caeli et Ecclesiae: `aut accedendis illis ad altare ad ministrandum in sancto' significat in cultu repraesentativo Ipsius Domini: `ne portent iniquitatem et moriantur' significat annihilationem totius cultus: `statutum saeculi ei et semini ejus post illum' significat leges ordinis in Ecclesia repraesentativa. @1 i, nempe exteriorum amoris conjugialis T$