5343. Reliquae quae diligentes quoque fuerunt, inserviendo aliis ibi variis modis, pro cibo, pro vestibus, pro reliquis functionibus ibi, et quae hoc fecerunt ex affectione et religione, illae deductae sunt extra Ecclesiae tractum, ut ibi societatem formarent, in locum tutum ab infestationibus a viris, ut ibi discerent vera fidei; nam tales discunt, non vero quae otiosae fuerunt. Societas illa formata est in confinio inter meridiem et occidentem remote in terra, ubi tutae, et ad quas ibi mittuntur [qui] docent.