2207. `Cur hoc risit Sarah?': quod significet cogitationem veri rationalis ex ejus affectione, constat ex significatione `ridere seu risus' quod sit affectio quae est veri, de qua supra n. 2072; et es repraesentatione `Sarae' quod sit verum rationale, de qua aliquoties prius in hoc capite. Haec interrogatio involvit quod Dominus perceperit quod in Rationali Ipsius adhuc humanum esset.