2208. `Num etiam vere pariam?': quod significet quod miratum quod rationale fieret Divinum, constat ex significatione `parere' hic in sensu interno, nempe quia Divinum Rationale Domini repraesentatur per `Isacum,' ut prius dictum et ex sequentibus patebit, ita `parere': hic significat Isacum, hoc est, Rationale quod Divinum fieret; quod verum rationale per `Sarah' repraesentatum non comprehendere potuit.