9107. Qualiter differunt inter se spiritus nostrae telluris et spiritus telluris Saturni, a manifesta experientia scire datum est; et simul tunc quomodo pugnant et collidunt inter se spiritualis seu internus homo ac naturalis seu externus, cum hic non [in] fide et charitate est; spiritus enim telluris Saturni in Maximo Homine re-erunt medium inter sensum spiritualem et naturalem, sed quod recedit a naturali et accedit ad spiritualem, n. (x)8953; spiritus autem nostrae telluris referunt sensum naturalem et corporeum; proinde hi referunt externum hominem, illi autem internum; quanta intercedit repugnantia et collisio inter illos quando externus seu naturalis homo non recipit vitam spiritualem per fidem et amorem in (x)Dominum, per (t)hanc experientiam ostensum est.