5553. Ut itaque Divinum regeret omnia tam in coelis quam in terris ex se, quod fit per omnia, per prima et simul ultima, ideo Dominus in mundum venit, et assumsit humanum, et cum humano usque ad ultima resurrexit, sicut Ipse quoque docet discipulos [Luc. XXIV: 39], sic enim in mundo potuit subjugare inferna, et sic postea regere coelos et terras et non aliter, nam homo tunc prorsus recessit in ultimis a coelis, sic ut tunc perire inceperit fundamentum.